ضمينى جوه قلبك بقلم الشاعر محمد ضباشه

كلمات : محمد ضباشه
ضمينى جوه قلبك
أنا محتاج للأمان
محتاج لقلب صافى
أشرب منه الحنان
محتاج لنور عنيكى
ينور دنيتى
ويكون شمس لسمايا
ويخرج بسمتى
محتاج تكونى جنبى
من غيرك أيه أكون
مجرد ظل باهت
وأيام تبكى العيون
محتاج ألمس شفايفك
وأنا واقف بين أيديكى
ونسرق للحب لحظة
تدوبنى بحبى فيكى
وأتوه ويا المشاعر
الخارجة من عنيكى
والقلب ساعتها ينطق
ويقولك انا كلى ليكى
محتاج تكونى جنبى
بستان مليان محبه
ونهر حنين وشوق
ياخدنى حبه حبه
أفرح وياه فى يومى
وأقول خلاص نسيت
العالم كله الا
قلب يقولك هويت
ضمينى جوه قلبك
ضمينى جوه فلبك