صباح الضحكه اللى بتجمع ولا تفرقش
صباح الغنوه نسمعها كذا مره ولانزهقش
صباح عصفور على الشجره على غصنه يزقزقلك
صباح ضحكايه ونسمايه وبنت حلوه تندهلك
صباح الخير على عيونك ياسحرانى
صباح الخير على رسمك على اسمك ياشغلانى
هقولها واقولها كتير ياالف والف صباح الخير
هكتبها على جبينك ومن خيوط الشمس اغزلها
وانسجها و كلمة بحبك على توبك ا سطرها
يامنوره ليلى ياضى نور العين
لو تهت منك يوم حبك هيبئادليل
ضمينى ياغاليه ده انا م الحنان محروم
صباحك اخرته نصره للى يبات مهزوم
صباحك حلم عمر سهرت كتير على بابه
عشقت ليله كتير .....وصاحبت احبابه
يام الجدايل ليل ياحلوه ياصبيه
حلوه كحيله العين ...ومكحله عنيه
حبك هنا وافراح ...ومسير فجره يبان
,ومهما طال الليل ..بيكى انا الكسبان
فجر مؤمن
ليست هناك تعليقات:
إرسال تعليق