ملا محنا ..... من ديواني الاخير
من كتر ماغابت عنا الضحكه
غيرت السنين ملامحنا
من كتر ما شقينا
وتعبنا
اتغير ت حتي
نبرة صوتنا
من كتر ما غابت عنا الضحكه
غيرت السنين ملامحنا
ايام صباناقولنا
هنبقا وهنبقا
وف الاخر
ف مكانا وقفنا
من كتر ماغابت
عنا الضحكه
ايام صبانا
حلمنا كتير ببكره
وما كانش ف بالنا
الحزن يصيبنا
والحظ يسيبنا
لليل
الغربه
يعذبنا
غيرت ايامنا
وشوشنا
وعيشنا وشوفنا
ناس بيخونوا
العشره
وملحنا وعيشنا
غيرت السنين ملامحنا
كبرنا
وجريت بينا الحياه
علي اخرها
ومش عارفين
نعيشها
وقلوبنا
علي اخرها
وكل ما فرصه تضيع
من ايدنا
نقول خيرها
ف غيرها
صعبه الرحله
من بدايتها
مش عارف ازاي هنكملها
وبتفرقنا
الدنيا
عن حبايبنا
وما حدش
بياخد ايدنا
واتغيرت
حتي
نبرة صوتنا
من كتر ما غابت
عنا الضحكه
غيرت السنين
ملامحنا
لو دمعتي
علي خدي ف يوم باتت
لو ف عيني دموعي بانت
بعمل مش شايفها
لا الناس تشوفها
وتعرف سببها
وتنزل دمعتها
وهحتار اعمل
ايه ساعتها
غيرت
السنين ملامحنا
و
سامحنا ال باع
وهو ما رضيش
يسامحنا
وننده عليه
كانه
مش سامعنا
وان شافنا
ما شيين ف سكه
يرجع من نص السكه
علشان عينه
ما تجييش
ف عيننا
يارب عينا
ع الدنيا
عشان تعبتنا
وغلبتنا
ومش عارفين
نسايسها
غيرت السنين ملا محنا
....................علاء زايد
ليست هناك تعليقات:
إرسال تعليق