امى ياست الناس
قلبك ابيض زى الماس
ساكنه قلبى قمر وناس
قلبك فياض بالحنان
حضنك دافئ وامان
هقول ايه ولا ايه عليكى
دا مهما اقول واوصف فيكى
ماهقدر يوم اوفيكى
امى ياغاليه عليا يانور من حوليا
بدعاكى انا عايشه وبرضاكى متهنيه
امى ياحبيبتى يامى
ياكل الحنيه ياهدية ربى ليا
بتحسى بيا قبل مااشكى
والاقى دمع عينك سابقنى
بتاخدينى فى حضنك وطبطبى
سامحينى يانور عينى لو كنت فى يوم زعلتك
ماانت امى وانا منك
وانت الطيبه والحنيه
سيدنا محمد وصى عليكى
وربى فى كتابه مانسيكى
دا الجنه تحت رجليكى
فى كل لحظه فى بالى
ياشايله همى وهم ولادى
فى كل اذان بدعى ليكى
ربى ليا يخليكى ويحفظك ويرضيكى
لو قدت صوابعى شموع ليكى
ماهقدر اوفى وكفيكى
عن يوم واحد تعبى ليكى
بهديكى قبله يوم عيدك
واحده على قدمك والتانيه على ايدك
امى ياحبيبتى ياامى
اهداء الى امى الغاليه والى كل ام فى العالم
بقلم جنة الرحمن
ليست هناك تعليقات:
إرسال تعليق