يعنى وبعدين.بقلم / الشاعر كرم الشحات

>>>>>>>> يعنى وبعدين <<<<<<<<<

يعنى وبعدين
ياجميل وياك
ياتاعبنى وتاه
قلبى ف دنياك
هات أخرى معاك
قولى وبعدين
إحترت أنا فيك
ياعزيز ع العين
إن كنت مُناك
أو مين أو مين
ياحبيبى وقولى
معاك على فين

متقول ياملاك
ياللى انا باهواك
هتهنى القلب
بقرب لقاك
وتحقق بيك
اللى إتمنيت
ولا إنت بتوهم
قلب نداك
ياحبيبى صارحنى
سارقنى لفين

متقول ياحنين
أغلى الغالين
ح نهيم فى نعيم
زى العاشقين
ولا إنت لقلبك
غيرى حبيب
وناولى أعيشها
ف حيرتى سنين
ياحبيب طب ليك
قولى أنا مين