جاى يقول بيحبنى .بقلم / الشاعر المبدع وليد المصرى

جاي يقول بيحبني
..
ودمع العيون عل الخد ده ..
اسمه ايه ؟
بنظرة واحدة بيشدني
بس انهاردة قلبي تايه ..
غضبان عليه
..
باع الحنان
وضاع ف قربه كل الأمان
حتي الدفا
وانا بين ايديه راح واختفي
..
ده جاى يقول بيحبني ؟!!!
..
لو بتحبني .. قول انت مين ؟
وليه يضيع حلـــــم السنين
ليه الوعود اتغيرت لشيء حزين
..
ليه لما أعيش وأنسى جرحي
وأشوف ف عينك كـــل فرحي
تسيب إيديا وسط الطريق ... !
ونبقى ليه متغربين ؟؟؟؟
..
وجاي تقول بتحبني ؟!!!
..
حرام عليــــــــــك جرح القلوب
قلبي ف هـواك حالـــــف يتوب
..
هقتل حنيني وأعيـش سنيني
وتضيع خطايا وسط الدروب ... !
..
واياك تقول بتحبني !
..
وليد المصري