الغندورة . بقلم الشاعر المبدع / محمود ناصر

(الغندوره)

شايفها ماشيه تتعاجب
برمش عيونها والحاجب
وتتمنظر
وتتمخطر
وتتغندر
وبتدور على كاتب

يسجل كل خطاوتها
وشقاوتها
وهمستها
ونظراتها
ولكن هيا فى الغالب

تعوز واحد يكون رسام
يرسمها
يصورها
ويظهرها
عروسة بحر فى قارب

ما هيا بردو تستاهل
جمال القد مش ساهل
بتتحايل
وتتمايل
وتتخايل
ونور الشمس بيطالب

ما تظهر اﻻ ويا الليل
بوش جميل
وخصر نحيل
ورمش كحيل
سواد الليل يكون صاحب

ما هيا زى بنت الحور
تشع بنور
كما البنور
دايرمايدور
ضياها مايمنعوش حاجب

ويظهربدرها مكسوف
يتمنى يشوف
يلف يطوف
وخايف خوف
يكون نورها عليه غالب

نجوم الليل متهانه
وحيرانه
وتعبانه
وزعﻻنه
تشكيهالكام عازب

مع خوفى عليها من الحساد
بأتمنى وداد
اوصل لمراد
تدينى ميعاد
لو حتى ميعاد فيه نتعاتب

وآهى لسه بردو بتتعاجب
برمش عيونها وبالحاجب
بتتمنظر
بتتمخطر
بتتغندر
عماله تدور على كاتب
--------------------------------------'
محمود ناصر