انا ولدك يا مصر وبحبك
واتعلمت الحب على ايدك
عشت طول عمرى على ارضك
وشربت من مية نيلك
فى عيونى بيترسم رسمك
وسمعت منك مواويلك
شمسك وقمرك وهرمك
ونيلك بيجرى ويزينك
مهما يكتبوا الشعرا عنك
محدش لحقك هيديلك
حلوه والكل غار منك
يا بلدنا ربنا يزيدك
كل اللى بيشوفك حاسدك
من عيونهم ربنا يصونك
دا اللى بيرحل ويسيبك
بيمشى على الجمر ويجيلك
ولما تعاكسينا ونعاكسك
مسامحانا و مسامحينك
ان زعلنا بالنهار منك
بنام واحنا مصالحينك
ساعة الخطر كلنا جنبك
وفى عيونا كلنا نشيلك
طول ما ربنا حارسك
محدش يقدر ابدا يهينك
اوعى ضحكتك تسيب وشك
انتى مش زى اللى حوالينك
فى القرآن ربنا حارسك
ولو تتعبى تسعين مليون نشيلك
منير خاطر
ليست هناك تعليقات:
إرسال تعليق