ولا دمنا من دمهم .بقلم الشاعر المبدع أحمد عامر

................... ولا دمنا من دمهم .........................

انا يمكن ابقى بوحدتى ايام كتــير
مليون سؤال بتخيله فوق الســرير
منكرش انى بنزعـــــــج
والحلم تايه منزعـــــــج
حتى ولو مليون سبب نمت بحرير
اصحى وألب فكــــــرتى
الوحده دى مش سكتى
ايه السبب بعشقها
مع انهـــــــــــــــــا مــــوال كبـير
وقعدت افكر باللى فات
ولقيت هناك مليون حاجات
لما تكون كدا محترم وكتير تغـــير
على بنت انت تحبها
اويوم تلومها تقولهــا
راح بتلقيها بتنفعل وبدون ضمــير
اناحره مالك منفعــل
مش ناقصه خنقه وانزحه وكلام كتير
انا ابويا ربانى بمزاجـــــى
ومن السهوله بروح واجى
تيجى انت تمنع بهجتى فين الضمير

*********
ولما اكون ماشى بطريق
مش منتبه او اكون بضيق
القانى حد بزقنى ماتفوق ياعـــــــم
جتكوا البلاوى بشكلكم جبتولنا غــم
اضحك وقلبى بينفطر ويذدنى غـــم
وسط الالم مفيش حنان ولا حد ضم
والمجتمع زى الغنم ابكــــــــم اصم
لا ايد تشيل المبتــــلى
ولا سلطه تحكم مفترى
اما الغلابه بهمهم المجتمع بيزيدها هم

*********
وتلاقى ست بعطرها وبايديهـا كـلب
بتأكله وتدلعه وتزغزغه ويقلبــها ألب
وهناك بعيد طفل جعان بتبصله
ومطنشه ابن حرام وملهـــــش قلب
الواد جعان مابترحـمه
وتبصله وبتشتـــــمه
ولارحمه تنقذ عريهم
ولا دمنا من دمهــــم
والطفل يبكى يقولها ياريتنى كلب
يمشى الولد ابن البلـــد
والدمعه سايله ع الخدود
والجوع مقطع معدته وبدون حدود
والست لسه بفجرها بتشيل بكلب
اما الغــريبه باننا
الامر ده مايهمنا
لكن بيبقى بدمنا
ابن الاصول انسان اوى
وابن الحرام ده ابن كلب
انا يمكن ابقى بوحدتى ايام كتــير
مليون سؤال بتخيله فوق الســرير
منكرش انى بنزعـــــــج
والحلم تايه منزعـــــــج
حتى ولو مليون سبب نمت بحرير
اصحى وألب فكــــــرتى
الوحده دى مش سكتى
ايه السبب بعشقها
مع انهـــــــــــــــــا مــــوال كبـير

.............................. احمد عامر ...............................
ننوه ان كل ماينشر حق فكرى مسجل بالهيئات المنوطه بذلك