قصيده الحجاب للشاعره سعاد قنديل

‫#‏الحجاب‬
- أختاه أين الحجاب ؟ 
- فكك من حوار العذاب
= حجابك ده عليه أكبر ثواب
- إنت هتفتحلى ‫#‏كشف_حساب‬ ؟!
= أنا خايف عليكى من العقاب
- وإنت مالك ومالى !
= حالك هو نفس حالى
- مش فاهمة وكلامك كتير
= رسولنا وصانى بالقواير
- وإنت اصلا تبقى مين وإيه اذنلك بالكلام
= أنا ناصح أمين واحد من بين العوام
- عاوز تقنعنى جنابك بإنك خايف من الحرام
= أنا خايف بس عليكى وبفوقك من الاوهام
- وفر نصايحك لنفسك مش عاوزة نقاش ولا ملامة
= يا أختى بجمالك متفرحيش ده في يوم اسمه القيامة
وبإيديكى تاخدى كتابك ولوحدك هتعرفيه من العلامة
هتلاقى صورة كبيرة جدا لبنت في الجمال آية
كل العيون عليها راكزة فى الرايحة وكمان الجاية
بتقول يا ارض اتهدى مفيش شبيهى ولا في سمايا
بيقولوا إنى نجمة سيما واحلى من القمرايا
متركزيش في الصورة وبصى لكشف الحسابات
هتلاقيه مليان جدا بس مش من الحسنات
ذنوبك زادت جدا من كتر ما ثيرتى الشهوات
وهتلاقى ورقة واحدة لونها مش شبه ال فات
عليها دعوة من واحد ؛ دعالك بالعفو عند الممات
الشخص ده كان واحد فى يوم اتهان واتعاب
واتقاله بعلو الصوت ؛ إنت هتفتحلى #كشف_حساب