حبيبى زعلان منى. بقلم / الشاعر المبدع محمد السعيد

((حبيبي زعلان مني))

**********************
حبيبي زعلان مني
صدقني مش بالساهل
انا راضي بللي تقوله
مانا اللي برضه استاهل

****************

ازاي قلبي طاوعني
يا حبيبي اقسى عليك
اوعى حبيبي تودعني
لازم حبيبي اراضيك
امسح دموع عينيك
دي نار بتالمني

*****************

لحظة ماحسيت فيها
اني كنت قاسي
وبلوم نفسي عليها
ازاي خني احساسي
انت كل ناسي
رد عليا كلمني

*****************

انا برضه مش ملاك
وبرضه ماحبش اقسى
حبيبي طالب رضاك
اصفى حبيبي وانسى
قلبي مستنى لسه
كلمة بيها تطمني

********************

حبيبي زعلان مني
صدقني مش بالساهل
انا راضي بللي تقوله
مانا اللي برضه استاهل

********************
كلمات / محمد السعيد