أمانة عليك.بقلم الشاعرة الرائعة / صفاء عبد ربه

أمانه عليك
*********
أمانه عليك مايوم تهجر وتنساني
ولا تقول الدنيا مخصماني
وتبقي علي العهد
وتعيش العمر تهواني
أمانه عليك
أمانه عليك ماتسبني وتمشي
وإن مشيت حبيبي ماتبعدشي
وإن بعدت عني ماتغبشي
ماأنا علي البعد ماأقدرشي
دا وإنت معايا دايماً بتوحشني
أمانه عليك
أمانه عليك لوغبت ماتبعشي
بكفايه قسوه الدنيا
يلاش . إنت كمان
بلاش . ماتجرحشي
وصون عهد الهوي بينا
ماتغدرشي
وفي غيابي عنك
حبيبي ماتخنشي
دا أنا حطاك في نن العين
ومخبياك هنا برمشي
أمانه عليك
أمانه عليك دا مهماً أشوف منك
ألاقي روحي رايحالك
وغصبٍ عني وعنك
بعد الخصام بسرعه بصفالك
ولما تبعد عني . باأتخنق
وألاقيني تاني رجعالك
وأما بتيجي سيرتك
باأتلَمس منها أخبارك
وعهد . عمري ماأذيع سرك
مهماً إنقلب حالك
وأعيش مع ذكري أشعارك
وأقول يارب طمني
وإشفي الجرح مني
ولا أنكوي أبداً بنارك
دا مهماً أشوف منك
ألاقي روحي ريحالك
ومهماً قاسيت منك
بسرعه يدوب الخصام بينا
وألاقيني من تاني رجعالك
بطلب وصال الود
وأُقسم . أنا لسه علي العهد
واأرجوك . أرجوك تسيب العند
أمانه عليك

صفاء عبد ربه