متخلينيش استغنى عنك.بقلم / الشاعر عصام عشرى العشرى

متخلنيش استغني عنك
بكلمه حلوه من حد غيرك
وتسيب قلبي وحيد
بين صدك و ويلك
ومتخليش غيري
يعشق كلامك
ويهوي عبيرك
وخليني دايما جوه قلبك
وجوه في ضميرك
عاوزك لي وحدي
اكون جنتك
او حتي سعيرك
عاوزك لي وحدي
وايدي في حضن ايدك
وشمسي لما تغيب
روحي تكون النبض
في وريدك
ممكن اكون اناني
لكن اوعي تنسي
يوم اني اسيرك
واني طير في السما
عالي عشق حبك
وارضك وطيرك
وصب الغرام جوه قلبه
وطرد من كان فيه غريمك