ما تعيطيش إتبسّمى
ومن الآلام شدّى الحزام
واتعلمــــــــــى
إن الجراح سر النجاح
تتقدّمــــــــــــى
واتعلمى إمتى السكوت
يصبح سهام واتكلمى
لكن كلامك طيّريـــــــه..
خليه حمـــــــــــام
وما تحسبيش ولا تندمى
على أى شـــــــىء
ضاع ف الطريـــــــق
واياكى يوم تتألّمى
خلّى حياتك دى تكون
حبّات أمــــــــــــل
وف خيط إيمانـــــك
تمسكيها وتلضمى
وما تحمليش هم الحياه
لو حتى كانت ألف آه
وف عز أيام الألم
ربّك حيبعت ما تخافيش
كام طوق نجاه ما تقدّريش
أكتر ما كنتى بتحلمى
بس المهم تفوّضــــــى
أمرك إليه وتسّلمى
ما تعيطيش اتبسّمى
وبحب طاهر إحلمى
واتعلّمى واتكلّمـــــــى
واياكى يوم تتألّمى
بس المهم تفوّضــــى
أمرك إليه وتسلّمى
إتبسّمى وما تيأسيش
لأ صمّمـــــــى
إنك تدوسى ع اللى راح
ما يهمكيـــــش
حتلاقى عز الليل صباح
ما بينتهيــــش
إتبسّمى .. إتبسّمـــــى
إتبسّمــــــــــــى ....
طلعت سالم
ليست هناك تعليقات:
إرسال تعليق