(( لا عزاء.. !!! )) بقلم الاديب محمد نبيل محمود

(( لا عزاء.. !!! ))
=======
مات الكلام....
وبكت وحزنت عليه... كل الحـــــروف
مات الكلام....
اللى سكن جواها.. آسى وخـــــوف
مات...ونزلت وراه ستاير النسيان
انعزل واتخرس من بعده اللسـان
اللسان اللى كان..ف يوم انسان
خلا العيون... خافت ورافضة تشــوف
ياكل كلمة...داقت طعم العذاب
ياكل حرف اتسجل جـوه الكتاب
ياكل اللى اتقرا واللى اتســمع
ياكل اللى اتسطر واللى اتجمع
ياكل حرف... متعملوش حساب
وكان واضح اوى للكل وكان معــــروف
معدش ينفع النهارده..عتاب ولــــــوم
صبح الكلام زى السكات ملوش لزوم
لو عندك كلمة حلوه ياريت تقولها
لو عندك دعوة حلوة ادعيلنا ننولها
ليه الحــلوه كوم والوحشة الف كــوم
وبكل خيبة امل..نتحجج ونقول ظروف
خايف يكون مات الكـــلام
وجوه القــــــلوب اندفـــن
خايف يكون من غير كلام
بايدينا حضرناله.....الكفن
ونلطم...وتعلم ...عالخـــــدود الكفوف

محمد نبيل محمو