قصيده ملك للشاعرمحمود عزب

ملَكْ

شعر/محمود العزب
10/1/2007

ياقلبى قول امَّا اسْألَـك
عن سِحْرْ مَحْبوبتى مَلَك
واوْصِفْلى فيها يكْرِمَـك

الشَعـْر زَىِّ الليـل جَميـل
والرِّمْش لونُهْ مالُـهْ مَثيـل
والوِّش دايْمــاً بِسْحِـرَك

ياقلبى قولِّى وإيهْ كمان
واحْكيلى وعَليك الأمان
واْخْدِمنى زَىّ مَبَخْدِمَك

الدِّحْكَهْ مِنْها شكـل تانـى
وبْتِشْرِح القلب ف ثوانـى
وامَّا تشاغِلْهـا بتشْغِـلَك

وعْنيها كعيون الْمَها
ولاشُفْـت أجمَل مِنِّها
وبْنَظْرَه واحْدَه تْعَلِّمَك

وإيديها فيها كتير حنـان
ونَفَسْها مِتْعَطَّـر ريحان
وتْلاغى فيهـا تِفْهَمـَك

وهيَّـهْ أغلَـىَ أُمنياتـى
وماضيَّا كُلُّهْ واللِّى آتـى
وحياتى وحبيبتـى مَلَك.