طبعا بحبك....بقلم الشاعر الرائع / أحمد مجدى

طبعا بحبك...

هفضل اقولها وانا بعينى
شايفك
ولو مش قدامى قلبى 
عارفك
بيحكيلى دايما لما بيحتار
ف وصفك
مع كل نبضه بتقول
بحبك
زى الملاك هو
قلبك
دايما مسامح بيحكى
طيبتك
بقول ياريت من زمان
عرفتك
وبتسأليني لسه
بحبك
طبعا بحبك...
اول نبض ف قلبى كان
اسمك
وصوره ف خيالى كانت
صورتك
وقلمى اول ما رسم
رسمك
ولما كتب الشعر كان
عنك
بيوصف عشقه لجمالك
وحسنك
مشفتش صبر زى
صبرك
اتحملتينى كل سنين
عمرك
ف زعلى فى فرحى
ولما بكون
مخاصمك
ولما أجى اصالحك اقولك
بحبك
وبتسألينى لسه
بحبك
طبعا بحبك...
وحاجه خليها دايما
ف بالك
انا محبتكيش علشان
جمالك
أنا حبيتك علشان
بحبك
ولسه بتسألينى لسه
بحبك
طبعا بحبك...

من كلماتى / احمد مجدى

إعجاب · تعليق