عظيمه يامصرنا بقلم الشاعر كمال كرباش

عظيمه يامصرنا

يا كل شاعر
قدرت حروفه
تكتب قصيده
فى حبها
فى وصفه فيها
وقدر يآلف لها
كل المعانى الجميله
أتكلمت عن طيبة أهلها
ﻻنه أتربى فيها
عارف قيمتها وحجمها
وحبه ليها مش من سنين
حبه قبل ما يتولد فيها
قبل ما يشوفها بعنيه
من قبل ما يبقى جنين
الجينات أتورثت
جيل من بعد جيل
أتخيلوا كده شكلها
أرضها . شكل النخيل
طب شوفوا شمسها
أتنفسوا كده هواها
حتى لو التراب مﻷها
مالهاش بردوه مثيل
حتى لو مش بيجرى
فيها نيل
الكل يعرف عنها
أن شعبها أصيل
كم محنه مرت عليه
كان ممكن تهزها
صبرت على
اللى أنكتب لها
عشان تحقق حلمها
بس مهما كان صبرها
ﻻزم بأيد وﻻدها المخلصين
شعرا وأدباء و فنانين
ما هم كلهم مصريين
ايا كانوا
ﻻزم يقدروا قيمتها
ﻻزم يعملوا حاجه ليها
ﻻزم يردوا الجميل
فى مصانع اتوقفت
أيه السبب
السبب فينا احنا
فى اللى قلل من جهوده
واللى ما حسش بالشقيانين
ﻻزم نزرع بلدنا
فين قمحنا . فين قطننا
فين اسمنا . ووضعنا
فين كلمة أنتاج بلدنا
عشان نعيد للبلد
دية هيبتها
وعشان نحس
أننا بنرد الجميل
يبقى كل واحد مننا
يكون بطبعه أصيل
اللى يقدر يخدم بلده
ما يتاخرش
عشان بلدنا تتقدم
وما تتاخرش
دى بلدنا من أعظم اﻷمم
ومهما يتأمره عليها ما بيتتأثرش
واللى عاملين خايفين عليها
وهما ﻻبسين فوق وجوهم
الف وش
بيظهروه أبتسامه مخيفه
وفى الحقيقه كله غش
والحقد مالى قلوبهم
الكل عارف الحقيقه دية
عرفت يا شاعر مهمتك
بلدنا ﻻزم تكون قويه
هى دى قضيتك
أهم قضيه في حياتك
قضية بلدنا ومجدها
أهم حاجه عندنا
الجيل اللى طالع مننا
واللى جاى بعد مننا
يعرف أن بلدنا تهمنا
أحنا نعمل اللى علينا
مطلوب نراعى ضميرنا
ونسيب الباقى على ربنا
وحا تفضلى فى كتب التاريخ
عظيمه يا مصرنا