إنتهى فصل الأدب ********بقلمالشاعر محمد سالم

إنتهى فصل الأدب
********
تسأله مين السبب يضحك يقول يالاالعجب
والدهشه تظهر بين عنيه ويخترع مليون سبب
وإرجعوا قبل الزمان جوه التاريخ اللى إنكتب

غدر وخيانه وتوب صبانا إتحرق ويا الأدب
ويا أفكار الشيطان اللى كان عايش زمان جوه صندوق اللعب

وسط المحبه والأحبه والحوارى والميدان وفجأه سهم الموج ضرب
إتغيرت كل الفصول وإتبدلت كل العقول وإتكسرت كل اللعب
شب الحريق وسط الطريق ماتوا الغوالى وإنتهى فصل الأدب

يظهر صبى فوق الجدار يصرخ يقول حاسس بعار
طَلعوا شمس النهار دمروا الزيف والحصار
كسروا بيا الجدار وسط جرح فى قلبى نار

راحوا ليه منا الكبار نجل ما يعيش الصغار
جوه باب بيتنا الحزين ويا الأنين وسط الدمار
ويا الدموع تشكى الضلوع وبإيه يفيد الإنتظار

ليه نعيش وسط الأفاعى وسط ألف خسيس وراعى
ويا توب أسود حزين ويا دم المظلومين وسط المراعى
جوه البدن صحوا الضمير اللى إتسجن من غير دواعى

وإقطعوا راس الأفاعى
وإزرعوا الشوك ف المراعى
محمد سالم