قصيده مسحراتى للشاعره هاله دياب

مسحراتى مشخصاتى

مسحراتى مشخصاتى… والدنيا فيها من زحمة الألوان
فيه لون يفكر ولون يعكر او يعدل الأحوال
مسحراتى مؤلفاتى قوم بينا ياللا اوصف لك العنوان 
ياميش وزينة .. أنوار كتيرة
وكرامة للغلبان
وفطار نحضر … بزيادة وأكتر
واللمة حلوة
والذكر للرحمن
فوانيس نشيلها وصلاة نقيمها
والصدقة جارية .. بالتوبة والغفران
رمضااااااااااااااان كريم
مسحراتى بقول آهاتى
فيه ناس بترضى
وناس تهاتى
ويا ريت يا فرحة فى الدار تباتى..
بقناعة زايدة وتوسلاتى
رمضااااااااااااااان كريم
مسحراتى مشخصاتى أقول يا بلدى
يا قلب ولدى…. الصبح آتى
والشمس طلة
من لقمة نشبع والضحكة هلة
وسمانا طرحة ..بتميل بفرحة
وطموح زيادة …حيبقى عادة
يا ريت يا سادة … نعافر الأحزان
إرضى بنصيبك واللى يصيبك
ربك خالقنا وكاشف الاكوان
رمضااااااااااااااااان كريم
........ بقلم : هالة دياب