اتبسمي يا مصر (اهداء الى كل شهيد مصري وعربى)
======
بقلم الشاعر المصري/احمد ابراهيم
=====================
اتبسمي لسه الادان عالى
======
بقلم الشاعر المصري/احمد ابراهيم
=====================
اتبسمي لسه الادان عالى
لسه الامل فوق الحروف مالى
كلمة حنين جوة وطن غالى
لسه الامانى بين دروبك
لسه النشيد ف السما عالى
لسه يا بلدى كلمتك
غنوتك ضحكتك
فوق خدود طفلتك
بين الحدود اسم الوطن غالى
مصري انا وكل العرب اخوانى
لما الالم يصرخ من السورى
ابكى انا يصرخ حنين موالى
صرخة عراقى موصلى
والليبي م الصراع بكانى
دم العرب يا عرب غالى
ومصر ام العرب
قلب العرب
روح العرب بتعانى
من غدر كل شيطان خاين
خان العروبه والوطن
دمه رخيص مش غالى
يا مصر يا طيبه
شعبك عزيز غالى
دم الشهيد فوق العلم يحكي
قصة بطوله ف حبها
وبروحو وبيفدى
مصري انا حرف البطل مصرى
بين الحدود واقف هنا بيحمى
ده ضهرى لو انكسر او يبقا يوم محني
هنده واقول يا وطن عكاز بيسندنى
مهما الظلام انتشر الفجر هيعدى
بين الالم والمحن يا مصر يا عشقى
=====================
بقلم الشاعر المصرى/احمد ابراهيم
=====================
بقلم الشاعر المصرى/احمد ابراهيم
ليست هناك تعليقات:
إرسال تعليق