قصيده يابن الوطن للشاعر عبد الرحمن مصطفى

يا ابن الوطن والنيل
ف نومتك اتهنى
فوزت بالدارين
الدنيا والجنة
حقك كمان بنجيبه
وخرجنا م المحنة
بكينا وقت فراقك
وف ثانية بردو ضحكنا
لما رحنا قرأنا
قرآنا والسنة
قالوا الشهيد عايش
ولا عمره كان بيموت
وانت اكيد موجود
هنا ف مكان بينا
جوا قلوب الناس
يمكن مافوق الراس
ما انت م الحراس
اللي حاميينا
فلما تطلع فوق
وتقابل نبينا
بلغه سلامنا
وقوله اننا زيك
ع العهد ماشيين
بنحمي اوطانا

‫#‏الى_الشهيد‬
‫#‏بقلمي_عبدالرحمن_الشاعر‬
حسبي الله