أوراق .... بقلم الشاعر / محمد عسل

(أوراق)

بقالي سنين وانا عاشق...

لكن عشقي علي الأوراق...

وبختار صوره لحبيبتي..

دا كل حبيب وليه أذواق..

بتحضن كلمتي أوراق...

وتمسح دمعتي أوراق...

ولو هافرح أو اضحك يوم.. 

بيبقي بس ع الأوراق...

بيبكي قلمي وسط حروف...

وتلقي دموعه شوق حراق..

ويمشي خطوه فيها كسوف... 

ف يكتب حلم فوق أوراق..

بإني أعيش معاني الحب...

لكن ميكونش فيها نفاق...

وإني أدوق حنين القلب..

وإني أدوب مع الأشواق..

وإن الروح وحضن العين...

يكونوا للجروح ترياق...

ولسه قلمي بين سطرين...

بيكتب كلمه للعشاق...

بإن الحب لو كداب ..

وأصبح سلعه ف الأسواق...

ف قلبي راضي إنه يعيش..

لطول العمر ع الأوراق.

بقلم... محمد عسل.