حلم لبكره
ناس عايشه على الماضى
وقافله عليه ب 100ترباس
وعامله نفسها قاضى
وعايشه جنة ما تنداس
وحاضنه جراحها بإيديها
وحاطه عليه كمان حراس
كأن امخاخها مقفوله
وتستحلى عذاب الناس
وتعيش حياتها مع فكرة
ان الحياة بدون الوان
وتستحوذ عليها فكره
مفيش فرح مفيش آمان
وناس شافت معديه
جريت تركب لﻻحﻻم
مهى ايام رايحه جايه
ما تحسبش ليه؟وبكام
يا حلم عايش لبكره
يتحدى الليل ويعيش
ارسم لﻻمل سكه
وفرحة ما تساعنيش
وطول منا قادرة اتخيل
على اﻻحﻻم راح اميل
واقول العمر لو لحظه
حطرد يأسى ما يعيشنيش
عﻻ قنديل
ليست هناك تعليقات:
إرسال تعليق