كلام بحروف من دهب لشاعر الروائئع // مصطفى رزق

هكلمك كلام من ذهب ----------------------------------- هديه منى بدون حساب
هينفعك فى دنيتك ----------------------------------------- وهينقذك يوم الحساب
خد منى بس كلام كبير ------------------------------ وكلام كتير من غير حساب
حاول تخليك دايما سعيد-------------------------------حياتك مهيش ناقصه اكتئاب
اللى هيصيبك هيصيبك هيصبك ------------------------- لو حتى ومسكت السحاب
واللى مكتوبلك هتشوفه هتشوفه ------------------------------ بامر من رب العباد
والهموم مبتنتهيش ----------------------------------------وفى واخرتك هتكون تراب
خلى احزانك تكون سطور ---------------------------- وخلى السعاده تملى الكتاب
وسامح اللى يسيء اليك ---------------------------واوعى توجه له فى يوم عتاب
هيحس بخطاءه ويندم عليه -------------------------- ولو محسسش حيوان وعاب
ساير الزمن وعيش الواقع ------------------------------وخليك ماشى وسط الركاب
والله عليك لو تكون سابقهم ---------------------------- هتكون قاءدهم ببريه وكاب
متمشيش بمبدا خالف تعرف -------------------------------- وشاور ولو رايك صواب
امحى النميمه من حياتك ------------------------------ واوعى تكون عود من ثقاب
خلى لسانك بالصح ينطق ----------------------------------- وقل الحق واياك تهاب
واوعى تاخد مال اليتيم --------------------------------- وتروح تاكل به كفته وكباب
كل عيش وملح بصحتك -------------------------------- اوكل من تحت رجليك تراب
احسن ما تاكل مال حرام ---------------------------------- هينتهى وهيكون سراب
غض البصر لتكون بتزنى ----------------------------------زوجتك بالشارع ولك احباب
وافتح باب رزق للغلابه ------------------------------------------ ربك يفتح لك الف باب
واياك تكون مسعور تهبهب ------------------------------وتعمل فى يوم زى الكلاب
وان عجبك الكلب خليك اليف --- ---------------------- من غير اسنان او حتى ناب
وان جيت فى يوم ورحت تفتن ------------------------ هتكون بتقتل من غير حراب
صل الرحم بكل اهلك ----------------------------------واوعى زوجتك تخليك غراب
علطول ودايما عايش لواحده------------------------ وميجيش من وراه غير الخراب
نمى فلوسك بزكاه وصدقه -------------------------------- هتزيد وتكتر زى التراب
ولو حتى قلت متقل عادى-----------------------------مفيش فى قبرك خزنه بباب
واياك تكون بخيل فى يوم ---------------------------- وانت عندك من المال دولاب
متكنشى جلده وتحرم ولادك -------------------------هيدعوا عليك بسب وسباب
واياك تمشى حافى فى يوم ----------------------------البس حزاء والبس شراب
كلامى اعمل منه حلقه -------------------------------- اوحتى اعمل منه حجاب
وخليك علطول دايما لابسهم----------------------يمكن من الجنه يكون لك مناب