خائن العيش والملح
دخلتك بيتى وخويتك ----------- وكلت معايه العيش والملح
ولا عمرى فى يوم ما ازيتك -- ولا شفت منى عتاب اوجرح
وكنت علم لما قريتك--------- وفى كتابى فاض بيك الشرح
وكنت شقيقى وهويتك --------- وكنت اشوفك هرم او صرح
وتعبت فى مره ونديتك ---------لقيتك فص وذاب فى الملح
يا ريتنى ماكنت ناديتك ----- ماكنتش اعرف ان قولك قرع
خدعنى فى لسانك زغاريطك ------ لما اكون فقط فى الفرح
وشفتك كبير وعليتك ---------- وياما كتبت فيك المدح
وبعت الدنيا وشريتك --------- وكنت بشوفك كاجمل فرع
ولما وقعت جيت بيتك -------وكنت احسبك تكونلى الدرع
وصدمت فيك وفى صيتك -----طلعت فشوش وقولك مزح
وطلعت خسيس وخليتك --- ومطمرشى فيك لا عيش ولاملح
لوصادقت صاحب ترجيتك --- الاول اختبره فى مال اوجرح
وشوفه يمدك ولا هيبيعك ------ وشوفه هيطلع ديك او فرخ
وفى الزمن ده تريث فى صديقك --- لتكون العاصفه اللى تسبق الفخ
ليست هناك تعليقات:
إرسال تعليق