و حشتني بجد جداً
و حشتني ونفسي ترجع
الدنيا معاكي حلوه
و فـ بُعدِك شئ بيوجع
أصل أنتي مش حبيبه
أو بنت من البنات
أنتي اللي عشان أضحّي
و يقولوا عشانها مات
أنتي اللي بتفهميني
أنتي اللي بتحضنيني
أنتي لو كُلُه سابني
والله ماهتسيبيني
لو بعُدك كان بكيفك
والله ما كُنت هزعل
بس انت مِشيتي فجأه
والمُوت لازم هيحصل
طب كُنتي قوليلي حتى
طب كُنتي قوليلي طيب
ده انا إبنك مِش حبيبك
مِتعود اكون قريب
أنا نِفسي بجد أجيلك
أنا نِفسي بجد أشوفك
وقوليلي إيه حَاصلك
وإحكيلي عَن ظروفك
بردانة عَشان إيديكي
سابت إيدي اللي ملكك
مِحتاج أنده عليكي
مِحتاج لو أقول بحبك
مِحتاجك تسمعيني
انا نِفسي بجد أبكي
انا عَارفك بتشوفيني
انا آسف إني بشكي
و يارب تكون عَايشه
في مَكان لايق بقلبك
في الجنة نَاس كتير
يا حَبيبتي بجد شبهك
و ولادنا هِشام وآدم
في عنيا متخَافيش
انا نِفسي بجد اموت
انا نِفسي معاكي أعيش
ليست هناك تعليقات:
إرسال تعليق