جرحتينى للشاعر // محمد عسل

بعدت لكني مش رافض أكون ليكي ...
حاولت أعدي أسوارك كسرتيني.....
وهبتك قلبي كان موته علي إديكي....
بعيش همك وأحزانك ف بعتيني...
شربت المر ف غيابك وطعم الشهد ف عنيكي..
فضلت سنين علي بابك وسبتيني...
منيش رافض أعيش العمر أحميكي....
وأرد بقلبي لو يوم تناديني...
ولا رافض مابين الحب والأشواق أدفيكي ...
منيش كاره تحبيني...
كتبتك حب ف كتابي مهوش حاصل وباحكيكي.
بفضفض حبه خليني....
لأن القلب كان عاشق ويتمني يعيش فيكي....
دي نار حبك بتكويني...
فرشت ضلوعي ليكي منام وبرموشي بغطيكي...
رفضتي بنظره ترضيني...
عملت الكل والأكتر فضلت العمر شاريكي...
وهبتك عمري وسنيني...
رسمتك ورده وزرعتك ف أحضاني أراعيكي...
بأشواكك جرحتيني...
لا ماضي إتحس وإتعاش ولا حاضر بيرضيكي.
صرخت كفايه حبيني ..
تعبتي القلب وياكي ومش شيفاني بعنيكي..
خلاص هبعد ف سامحيني.