قصيده باحبك يا سمره للشاعر كرم شحات

...... بحبك يا سمرة ........

بحبك يا سمرة
يا ست البنات
يا عمرى اللى عدى
وكل اللى اّت
وقصة هوايا
يا دنيايا غنوة
أقولها بكلامى
يعدها السُكات

بحبك مغامرة
جرئية ورقيقة
يا ساكنة ف خيالى
ومالكة الحقيقة
ف لحظة مشوفك
بيكمل هنايا
وادعى الدقيقة
تفوت ميت دقيقة
وباشتاق لقربك
ف كل الحالات

بحبك يا سمرة
يا أجمل هدية
رأف بيا ربى
وأنعم عليا
وقدّر تكونى
يا روح نور عيونى
حبيبة حياتى
وكل اللى ليا
و أغنى الأمانى
يا كل الحاجات
...................... بحبك يا سمرة