( كفايــــــــــــة ) بقلم الشاعر رافت الشهاوي

****** ( كفايــــــــــــة ) ,, بقلم ـ رأفت الشهــــــــــــاوى . ******

كفايه حرام ياسيادة الوزير
نسيتوا الرحمة ومات الضمير
سلبتوا الحقوق
مصيتوا الدماء
محيتوا البسمة من وش الفقير
عشقتوا الحرام ,, نسيتوا الاله
ولا تهابوا يوم عسير
اكلين شاربين
مالذ وطاب
حتى السراير كاسيها الحرير
واحنا الخيش أكل جلودنا
وعض لحومنا نوم الحصير
مياهنا مليها كل الوبا
بنشرب لسه من نقط الزير
نهشتوا لحومنا طحنتوا عظامنا
الحلو فى حلوقنا طعمه مرير
******************
’’’’’’’’’’’’’’’’’’’’’’’’’’’’’