بعد ايه حسيت بيا
بعد ما ماتت الحنيه
أنت كنت بتروى قلبى
لما تبص على شويه
ودلوقتى ملكت القسوه
وضيعت قلبى من كثر الأسيه
بعد ايه حسيت بيا
ليه ما رحمت دموع عينيه
لما كانت بتشكى منك
خلاص نسيتك وأنسى أسمك
ياه منك لو كنت ضمتنى فى حضنك
ومسحت دموعى بأيدك
بعد ايه حسيت بيا
القلب خلاص موجوع منك
وشعرى شاب لما شربت أنا مرك
قاسى والقسوه دى من طبعك
فوضت أنا أمرى خلاص لربك
روح وشوف من بعدى يحبك
بعد ايه حسيت بيا
أنا أنتهيت وأنهيت مصيرى معاك
يا ظالم وقدام الناس مظلوم فى هواك
أرحل بعيد خلاص ما ينفع رجاك
وأنا أرحل بعيد وما أسمع نداك
وقلبى مسيره ينسى هواك
بعد ايه حسيت بيا
الشاعر / على فياض البلصفورى
قطرات الندى
ليست هناك تعليقات:
إرسال تعليق