(ذوات الأربعه) بقلم..محمد عسل
- مالهُم ذوات الأربعه؟!
- مش هما برضُه بيحرسوك؟
- وبينبحوا وقت الخطر؟
- مش نبحُهُم فيه منفعَه؟
- مش هُما برضُه بيوفوا ليك؟
- وبدون كلام وقت الألم..
- بيكونوا ضِحكه مِسَمَعَه؟!
- أنواع كتير منهم كمان..
- مطلوب وغالي لحمها..
- وبطون كتير تنده لها..
- لو حتي حِته مقطعه..
- فاكر زمان؟
- صوت أما تشرب للبن والقربَعَه؟
- صوت اللي شايل للحمول..
- مكروه حقيقي إنما..
- شايل عشانك بردعَه..
- مبيشتكيش من ضربتك..
- رغم اللي نازل طرقعه..
- وتقولوا شِيي ..
- يشكي اللجام من شدتك..
- وتلاقي عينُه مِدَمَعَه..
- فكرت فيه؟!
- سامع لصوت النَونَوَّه؟!
- من تحت كوبري ف الشتا..
- والبرد قاسي ..
- والقساوه منَوَّعَه..
- والنَونَوَّه أصلاً كلام..
- وحروف لذات الأربعه..
- دي بتستجار..
- من جوع وبرد بتنتفض..
- أخرتها موته موجِعه..
- إذا كان خِواتنا المقتولين..
- فل ف بداية دولتُه.
- ف النُص سين وأخرها طين..
- جَمَّعهَا تلقي المنفعه..
- وإذا كان ف بلدي الناس تجوع..
- ومن الزباله بتكتفي..
- والعيشه صعبه مولعه..
- وإذا كان قساوة بعضنا..
- دي مكتفانا كلنا..
- والقسوه فينا مربعه..
- معقوله أصلاََ يوم هايجي وننتبه..
- لحقوق ذوات الأربعه؟!
- وحقوقنا أصلاً لابسه توب..
- وبألف أه مترقعه؟!
ليست هناك تعليقات:
إرسال تعليق