القمر يبكى من بشر للشاعر مصطفى رزق

القمر يبكى من بشر

طلعت اناجى القمر -----------------وفضلت ابص لفوق
كنا ليلة 14 فى الشهر ------------ولقينا القمر مزنوق
وبدل ما يبقى البدر ---------------- لقينا القمر مخنوق
ومكنشى جوه الكدر --------------- وكانه كان مشنوق
وكانه ميت غدر --------------------- وكاك كله شقوق
ورحت اصلى الفجر ------------ ودعيت وكلى شووووق

وصليت ركعتين الوتر--------------- وبعدها كنت قلوق
وقلت هنذر نذر --------------لو السر انكشف من فوق
وكنا ساعتها الفجر ---------------وفجاه بدات افووووق
ولقيت امامى البدر-------------وكانت حبيبتى شروق
بشر فى هيئة قمر -------------- ولا زيها فى السوق
بوجه زى القمر -----------------------وبق كان حندوق
وبرمش زى الوتر-------------------- وبنن كان صندوق
ساعتها عرفت السر ------- اللى خلى القمر محروق
اتارى شافها القمر ---------وبص عليها من فووووووق
وغار منها وانفطر -------وبكى بكاء مبكهوش مخلوق

نيجى لتحت القمر ---------------الدمع نازل مدلوق
نبعد بعيد عن القمر -------- ولا دمعه تنزل من فوق
نرجع لتحت القمر ----------- الدمع ناااااااازل مسلوق
وفضلنا فى كر وفر ----------- وبقينا زى المكووووووك

نلاقى الدموع بتنهمر ------- من تحت القمر من فوق

وعملنا حفلة سمر ----------لجمال حبيبتى الزووووق

وجت النجوم تنعصر -------تبارك للقمر الجديد شروق
والقمر ولا بن له اثر ----------- اتاريه كان مخسوف