قلبى كبير للشاعر رضا ابو حسين

قلبي كبييير ..... رضا أبوحسين

قلبي كبير ... اكبر من غدرك بكتييير
اكبر منك .... بيسامح وبدون تفكير
بيغير اااه .... لكن عمره مافكر يبعد
لو يوم راح .. تاني يوم يجي اسير

لكن قلبك ... ظالم قاسي مالهش امان
زي البحر ... موج وبيضحك للغرقان
عمره مايسأل .. قلب حبيبه لما بيبكي
ولا بيقوله .... قلبك ليه محتار سهران

بصراحه انتي .. قلبك مابيعرفشي يحب
مابيعرفشي ... الا الغدر ... وغدرك صعب
خلاص انا يأس ..إني ف يوم راح اغير قلبك
لإن بجد .... كل شئ ممكن يتغير .. إلا القلب

علشان كده ...... قلبي كبير ....اكبر منك
عمره ما كان .. ظالم ولا عمره . يشبه قلبك
لكن لما ..... تجرحي قلبي ف لازم اقول
يللا ياحلوه .... روحي لقلب ... غدار زيك
انا بجد خلاص مش عاوزك