- امسك قتيل...!!
- سايح ف دمه مغرقه
- مين يعرفه...!!
- انا اعرفه...
- انطق وقول تقربله ايه
- انا ابقي اخوه ف المهزلة
- ف الانسانية الا هي
- اتلغت م الامثلة...!!
- من كام سنة كنا اتشركنا
- ف الظلم والقهر التمام
- كان في انسجام...!!
- نقسم عرقنا ع الحضيض
- ونغمس الهم اللي صام
- وجيه فطر علي البعيد...!!
- قصدي القتيل...
- كان مستباح...زي وزي كتير كمان
- كان مستحيل
- لكنه عاش ..وبأي صورة واي شكل
- كمل لحد ماجيه الكرم
- واهو مات قتيل...!!
- بيضاله في القفص البعيد
- التعويضات والتعليقات
- وبكرة يبقي نجم عال
- ويمنشنوا صور القتيل...!!
- الواد ده ميت منتحر
- لا داسه (قطر)
- انا قولت ميت منتحر
- والانتحار ف اساسه كفر
- والكفر يعني مفيش فلوس
- ولا انت ايه ...عايز تبوس...!!
- حتي اللي مات ادام عنيا زوروه
- لا ارتاح ف عيشته ولا حتي موته
- بيرحموه....!!
شعر فصحى,شعر عاميه, نثر,خاطره,قصه,أمومه وطفوله,اعلام وفن,مقال,اسلاميات,صوتيات وفيديوهات
الأحد، 22 نوفمبر 2015
امسك قتيل...!! احمد الصارم
الاشتراك في:
تعليقات الرسالة (Atom)
ليست هناك تعليقات:
إرسال تعليق