بقلم الشاعر حسين الديب إهداء إلى روح الشهداء قصيدة " يا شهيد "

• روح يا شهيد حصل أخوك
• وراك رجالة هيجيبو تارك ...
• أمك أختك صاحبك أبوك
• لازم هيكملو مشوارك ...
• روح ياشهيد إشفع ليهم
• و إسقيهم يا شهيد من أنهارك ...
• روح يا شهيد وأنا من بعدك
• نفسي أكون من أجوارك ...
• روح يا شهيد وأنا على عهدك
• دانتا أمانة في رقبتنا ديارك ...
• روح يا شهيد و إحنا وراك
• لازم هنكمل مشوارك ...
• ؛؛؛؛;;;;؛؛؛؛;;;;
• لازم هنحرر أراضينا
• و هنحميكي والله يا سينا ...
• حتى لو إني أموت دلوقت 
• هييجي إللي يكمل بعدينا ...
• هييجي إللي هيحمي حدودك
• و بردو هيبقى من أهالينا ...
• هييجي إللي هيروي ورودك
• زي ما كانو جنود قبلينا ...
• روح يا شهيد وأنا على عهدك
• لازم يوم هنرجع تارك ...
• و زي ما كنت بتحمي دياري
• حق علية أنا هحمي ديارك ...