قصيده لا اعود للشاعر طارق المملوك

لا اعود

***

اعود .. او لا اعود ..
ويا لها من معضله ..
ان عدت .. عدت لسابقٍ ..
قد كان دهرا .. مشكله ..
وإن ما عدت .. تهت ..
وتموت ورودى الذابله ..
فما الحل حين تريننى ..
وكأننى ..
ما كنتُ يوما ..
ذا صله ..

***

و اجيلك ليه ؟؟
مدام القلب مستغنى ..
و اقولك ايه ؟؟
و هجرك قيد بياسرنى ..
وانا المحروم من الفرحة ..
وساكنه دموعى ف الننى ..
و فاكرك صوره بالطرحة ..
ف ليه بالحزن تظلمنى ..
انا المكتوب ف عنوانك ..
وانا المجبور بنسيانك ..
وبُعدك جنه تقتلنى ..

***

و هارجع ليه ؟؟
وانا اللى ف حزنى .. متكبّل ..
و اشوفك ليه ؟؟
واعيش مع فرح .. متأجّل ..
انا الراحل عن الاشواك ..
لبكره يجينى متسلسل ..
مافيش ضحكايه ف حكايتى ..
وخايف ابوص ف مرايتى ..
اشوف جوّايا .. متبدّل ..

***

وبينا بحور ..
ويجيى الطير باحزانى ..
وبينا السور ..
تنط الاهه من تانى ..
اروحلك فين .. عشان ابعد ..
ومها بروح .. بـ تلقانى ..
وبدعى ويّا كل ادان ..
يجيلك يوم و تنسانى ..
يقولوا .. الجروح بتطيب ..
وهانسى اللى كان لى حبيب ..
وجعنى .. و ظلمه قسانى ..

***

هنتقابل ؟؟
افكر .. و ابقى مش عارف ..
هنتصالح ؟؟
ونرجع تانى .. نتناكف ؟؟؟
اقضى الليل عشان انسى ..
و يجيى الصبح شوق جارف ..
واجرى بعيد عن الماضى ..
ياخدنى الحزن ليك زاحف ..
الم ف القلب كان منك ..
يدوب بيطيب بعيد عنك ..
منيش راجع .. انا آسف ..
أنا آسف ..

***

طارق المملوك