..." بحبها "... كلمات ...." الشاعر حسين الديب "

• سألو الحبيب و قالوله
• بتحب مين أكتر ...
• فضل الحبيب ساكت
• دقيقة أو أكتر ...
• رد الحبيب بإجابة
• بعد ما فكر ...
• و قال أبو العيون السمر
• و أبو دم زي السكر ...
• """""""""""""""""""""
• راح قلبي قام يرقص
• وفي حبه زاد أكتر ...
• وبعد إم كان كسلان
• سهر ليالي يفكر ...
• رجع لبحر حنان
• و المسك و العنبر ...
• و رجع يدق كمان
• زي زمان و أكتر ...
• رجع لنفس المكان
• ويا النجوم يسهر ...
• و ليله إللي كان ضلمة
• فيه القمر نور ...
• و الورد إللي كان دبلان
• فجأة بقى أخضر ...
• """""""""""""""""
• الورد قام فتح
• و الزهر في البستان ...
• و الفكر رجع يسرح
• في الماضي و كان ياما كان ...
• و رجعت ليالي الشوق
• تنور الوجدان ...
• و رجع تاني حبها 
• يجري في الشريان ...
• """"""""""""""
• بصراحة ردها خلاني
• أرجع شباب من تاني ...
• وفي ثانية واحدة نساني
• ليالي هجر وعذاب ...
• ولو سألتوني زيها
• هقول طبعا بحبها 
• وهفضل أحبها في حياتي
• و أحبها و أنا تحت التراب ...