هل الخريف والعمر عدا.بقلم الشاعر الرائع / رأفت الغريب

حبة رطوش
كلمات رأفت الغريب
ـــــــــــــــــــــــــــــــ

هل الخريف والعمر عدا

******************
وجت ليالي الحنين
ودق القلب اللي داب
من ظلم السنين
والروح العطشانة شوق
والهجر وعذاب السنين
كلهم مروا في ثانيه
زي حلم بسرعة عدا
في ليالي العاشقين
واللي فاضل بس منه
لحظة ألم لحظة أنين
والعمر عدى بسرعة
يجري ما لحقتهوش
وكل شيء كان بين ايديا
انتهى وأصبح فشوش
وذكريات مرت حزينة
ومعلمة فوق الوشوش
واللي باق معدش حاجة
إلا يدوب حبة رطوش