((( قلم حزين / همسات عتاب / رشا عبد الرحيم )))
- اعيب على الزمان ولا المكان ولاالوطن
- انا مدفون فيك بالحيا و يا حلم العمر
- يا صوت سهادى الى إتكتم من الشجن
- يا انين الهوى اللي إتظلم كفايانا مر
- يا صوت الرعد والبرق فى ليل ضناه الهم
- يا نواح العاشقين من كتر المرار والصبر
- ياصوت الخوف اطلع وروح عدي جبال الوهم
- واول لم تيجى تفرح ارمي العذاب في البحر
- اضحك يا صاحب الدموع والظلم متملكك
- اضحك على قلبك اوعى الوجع يهلكك
- وفهم انى الكلام كتير يكون ممنوع
- ساعات يكون مكتوبك انكسار وخضوع
- اعيب عليك يا وطن ولا اعيب على صوتى
- اللى مهما اقول الاقيه ماهوش مسموع
- كل دا علشان بنحبك ودمك بيجرى فى العروق
- دى كل الى شفتوا فيك بكى ودموع وشوق
- انا مت فيك ودمى سال ولا شفت منك اجابة
- تقطع لي راس السؤل تملى شوارعك ديابة
- بصرخ بعلو الصوت بقول حبيبتى وفيها بموت
- ولا يقدروا يطلعونى منك ولا يكتمولي صوت
- ضحكت فيكي قليل وبكيت كتير عليا وعليكي
- بكل قوتى وقولت تعيشى لو دمي هيفديكي
- فداكي ياغالية واموت انا بس انتى تبقى بقى
- سجالى صوتى نوح عيني لافراحك متشوقة
ليست هناك تعليقات:
إرسال تعليق