*أموات على قيد الحياه*
******************
*جايز يكون لك صنم
عبدتى فيه القيم
*ساكن ما بتحركش
شكله ملاك نازل
*ومن السحاب غازل
صوره بمليون وش
*لكنه بيبوص لك
وعنيكى بصاله
*لغة العيون دايمآ
بتهد أوصاله
*هو صحيح من حجر
وشكله زى البشر
لفيتى كل الكون
*ما لقيتى ف مثاله
يمكن تكون سكتك
غير سكته خالص
*بتسمعيه ضحكتك
وهو شئ خالص
*عايشه معاه الجنون
رافضه الوجود
والقانون
*وشايفه فيه الفارس
عودى لطبيعتك بقى
*وإنسى إن فيه مُلتقى
وكل دى هواجس
*وإن كنتى رافضه
اللقا .. بيا
ومتشعلقه
*فى سراب وشئ
عاجز
*ف أنا خلاص ماشى
وعمرى ما هرجع
*مليت أكلم صنم
وعمرى ما هبسمع.
*************
كلمات \ أحمد شاهين
23 \ 12 \ 2015
ليست هناك تعليقات:
إرسال تعليق