احسنتي
احمد صبري
كدابة وعاملة صادقة
وعنيها غدارة
تمثل دور العاشقة
بفن ومهارة
قادرة تخليك تصدق
تعشقها وتحبها
لما تدوب وتغرق
وتدخل حضنها
تلاقيها واحدة تانية
سهل تبيع ف ثانية
تطلع بدال الحنية
قسوة مفيش بعدها
-
احسنتي
احسنتي وبرافو عليكي
حقيقي بجد هايلة
قادرة وقوية عينيكي
واللي يقول لك غالية
اللي يحبك هايشوف
خاينة وشها مكشوف
غدرك صبح معروف
مش مرة دي التانية
احسنتي
احسنتي لما لعبتي
عليا انا وصاحبي
ارتاحتي لما جرحتي
قلبه ووجعتي قلبي
ارتاحي كمان وكمان
ياخاينة ومن زمان
غدارة مالكيش امان
وخسارة فيكي حبي
احسنتي
احسنتي ومش كلام
لا بجد عجبتيني
كنت مصدق اوهام
ان انتي بتحبيني
طلعتي مابتحبي حد
صعبان عليا يا ورد
لكن حقيقي بجد
قدرتي تخدعيني
احسنتي
احسنتي ولو بتحسي
كنتي تصوني مشاعر
قالوا عليكي بتنسي
وكل يوم مع شاعر
روحي عيشي يومك
خلاص وقعت هدومك
وطبعا مش هالومك
انا بس عليكي بمسي
احسنتي
ليست هناك تعليقات:
إرسال تعليق