- بيقولو ثورتنا
- و ثورتهم دي تبقى إيه ...
- بيقولو شاركنا في الثورة والثورة دي ثورة الفقرا
- قال يعني انا ابقى بيه ...
- ؛؛؛؛؛؛؛؛؛؛؛
- ياحبيبي يلي عايش
- بتحكي للزمان تاريخك ..
- وبتوصف نفسك للزمان
- إن الثورة من طبيخك ...
- طبختها و سويتها
- في قلب حلة ع الكانون ..
- وكنت قاعد في الميدان
- بتغني ع الناي و الآنون ..
- و إن صوتك كان هتاف
- لما يعلى يهز الكون ..
- وإن غيرك كان يخاف على نفسه بس
- اما إنتا كنت شايل الوطن
- جوا قلبك الحنون ...
- ؛؛؛؛؛؛؛؛
- أحب بس أفكرك
- لو كنتم انتو ثورجية
- ف إحنا بردو ثورجية ...
- إنتا ثورجي في ميدانك
- وإحنا كنا بنحمي مصر
- بنحمي مصر م البلطجية ...
- إنتا قاعد في الميدان
- وانا عامل لجان شعبية ...
- """""""""
- يلي تهتف ليه تقول
- ليه بتحكي للزمن
- و الزمن شاهد عليك ..
- شاهد على الصوت إللي يطلع
- وكان معاه تعلى إيديك ...
- ليه تسب غيرك ما يمكن
- كان بدهره ليك يحميك ...
- """"""""""""""
- كان ف جنبك او وراك
- اوكان خطاه سابق خطاك ..
- او كان في وسط اهله
- لكن بيقول عليك
- روح يابطل قلوبنا معاك ..
- """""
- يا شباب الثورة
- الثورة مش بس ميدان ..
- الثورة إن إزاي تخلي
- الناس تحس بالآمان ...
- تكنس طريق او تروي شجر
- وتعمل لكل طريق لجان ..
- """"""
- فما تفتكرتش يلي كنت
- قاعد بتهتف في الميدان ..
- إن إنتا بس ثورجي
- وهتحكي سيرتك للزمان ..
- وإن إنتا خليت البلد
- بسببك أحلى م إللي كان ..
- سيب الزمان يوصفك
- سيبو للبشر يحكيك ..
- وما تتباهاش و تفتخر
- سيب البلد هيا إللي تتباهى بيك ..
- وما تشاورش للناس و تقول
- وسيب الناس هما إللي يشاورو عليك ..
- وسيب التاريخ يذكرك
- دا إللي التاريخ يذكره
- عمر التاريخ ما يكون ناسيك ..
جريده/شعريه,ثقافيه,أدبيه,فنيه,متنوعه
السبت، 23 يناير 2016
شباب الثورة بقلم الشاعر حسين الديب
الاشتراك في:
تعليقات الرسالة (Atom)
ليست هناك تعليقات:
إرسال تعليق