- كان من دقيقه معايا
- ومره واحده قالوا مات
- واقفه مش فاهمه الحكايه
- وقلبي ينزف بالاهات
- حابسه دمعي جوه عيني
- مش لاقيه حد يواسيني
- واللي غطا وزاد عليا
- ان حزني بالسكات
- كنا زي حمام وراحل
- في الليالي والضحي
- عشنا مع بعض المراحل
- كانت حايتنا كلها
- غرام وحب وشوق وغيره
- وسعاده وشوية حاجات
- كان في حاجه رابطه بينا
- وطريقنا واحد ماإفترقنا
- عشنا حالة عشق حلوه
- بالثواني وبالساعات
- دلوقتي بتقولوا انه راح
- وبتملوا قلبي بالجراح
- هبقا طير مش عارف يطير
- مع انه له ريش وجناحات
جريده/شعريه,ثقافيه,أدبيه,فنيه,متنوعه
السبت، 23 يناير 2016
طير حزين بقلم/عبدالهادي غزال
الاشتراك في:
تعليقات الرسالة (Atom)
ليست هناك تعليقات:
إرسال تعليق