**ربك لما يريد**.بقلم الشاعر الرائع / محمد موسى

**ربك لما يريد**
*************
ربك لما يريد يدي من غير حساب
يفتح أبواب ليك باب من ورا باب
هوا العاطي هوا الرازق هوا الوهاب
يعز من يشاء يذل من يشاء
مالك الملك صاحب الأمر
نشكر كل عطاه بحب وحياء
إن شوفنا الحلو أو دوقنا المر
هوا العاطي هوا الرازق هوا الوهاب
مانقولش ليه ولا شمعني
ليه حد فقصر وحد فعش
الحكمه عنده ليها معني
رب العرش مايتسألش
هوا العاطي هوا الرازق هوا الوهاب
إن بعد العسر يسر
كلام قاله رب العرش
نحمده عالعسر ومانزعلش
يفرجها علينا ٱد الصبر
ربك لما يريد يدي من غير حساب
يفتح ٱبواب ليك باب من ورا باب
هوا العاطي هوا الرازق هوا الوهاب
***************************