- حاربوني بيك
- حاربوني بيك ....... !!
- وكأن عتمة قلوبهم .......
- ملهاش إضـــاءة إلا بيــك
- مهما قالوا ... ومهما عادوا
- هيلاقوني في برج قلبك .......
- بصه من شبابيك عنيك
- هيلاقوني سهم ناري
- سهـــم نــافد .......
- سهم مش خايف مغولي أو تتاري
- سهم متعطر بعطري جنب عطرك
- وإنت عطـــرك
- عطر آدم .......
- لما كان في الجنة .... ساجد
- فأزاى حبيبي مخوضش حربك ؟!
- وإزاى أسيب قلبي اللى حبك ..
- قدام عوازلى بدون دفاع ؟!
- وإزاى هخندق حبي وأهرب ؟!
- وإنت اللى بعت
- عشاني أغلى ما يباع ....... !!!
- جدي ابراهيم لما رفع
- قواعد البيت العتيق
- علم قلوبنا المتسع .......
- علمها ... ما تعرفش ضيق
- حتى هاجر .... لما زمت
- زمزمت .... روّت قلوبنا
- بلينا من شهد المحبة .......
- ألف ريق .......
- فابدأ طريقك .... وإبتدي
- عشقك .... وعيش
- وأنا فوق هضاب ... قلبي الندى .......
- هفرش لعشقك ... نبضي ريش
- فعيش ... وعيش .......
- وإرفع جناحك بالندى
- متخافش م الخفافيش ....... !!
- أسرني عطر محبتك ... ومحبتك
- بركان زئيره ... مينطفيش !!
- فعيش فِكوني ... وسيبني.......
- في كيانك ... أعيش
- §§§§§§§§§§§§§§
جريده/شعريه,ثقافيه,أدبيه,فنيه,متنوعه
السبت، 9 يناير 2016
( حاربونى بيك ) من ديوانى الاول ....ايزيس غانم
الاشتراك في:
تعليقات الرسالة (Atom)
ليست هناك تعليقات:
إرسال تعليق