,,المزاج ,,د عمرولطفي,,,

• ,,المزاج ,,زي ما في عسر هضم ,,الصداع ,,او عسر التفكير ,,تخيلوا ان في حاجه كمان اسمها ,,عسر المزاج,,,,حنتكلم شويه عنه
• في اضطرابات مزاجيه ,,,وبتبقي حالات مرضيه بجد نتيجه لخلل ما في بعض العناصر الكيماويه اللي في المخ ,,ممكن تؤثر بالفعل علي الحاله المزاجيه وتعمل امراض اعتلال المزاج اللي مثلا من اهمها الاكتئاب بدرجاته المختلفه
• انما اغلب اضطرابات المزاج مبتكونش نابعه اوي من امراض ,من ضمنها حالات خفيفه من الاكتئاب ,,ممكن نسميها قفله في النفسيه فعلا علي راي عبله كامل
• بيسموها بالانجليزي Dysthymia,,,,وترجمتها عسر المزاج ,,,زي dyepepsia كده ما معناها عسر الهضم
• المزاج بيتعب ,,,بيجيله مغص ,,,والتهاب يعني
• وعلي فكره احنا من موروثاتنا اننا يعني دايما بنكبت مزاجنا ,,,,
• يعني مثلا لو ضحكنا كتير نقول ,,اكيد حيحصلنا حاجه وحشه من كتر الضحك ده ,,,
• بنقول انا حاموت من الضحك وكأن الضحك الكتير حاجه تموت وتثير الشجن يعني
• القصه ان هذا الخلل في المزاج ما بيترجموش الجسم مثلا لتعكير مزاج او اكتئاب علي خفيف او نرفزه او قلق
• لا ممكن يترجمه الجسم لاعراض جسمانيه فعلا ,,,مثلا تحس ان جسمك كله بيوجعك ,,وانت مش لاقي سبب لكده
• تحس انك مش قادر تعمل شغلك اللي كنت متعود تعمله ,,,,,
• لو وكمان لو بالفعل عندك اي مرض عضوي ,,تلاقي شكوتك منه اكتر من العادي ,,يعني مثلا الم قرحه المعده اصبح اقوي واشد من العادي
• احيانا كمان يحصلك صداع غريب انت مش عارف هوا من ايه ومش عايز يستجيب لمضادات الصداع العاديه
• تخيلوا كمان ان استجابتك للعلاجات المختلفه بتقل ,,اللي عنده ضغط تلاقي الدوا اللي بيستعمله سنين اصبح مش فعال اوي ,,السكر ابتدي يعلي رغم انك بتاخد علاجك بانتظام
• ده كله ما بيتعرفش او مش بيتم تشخيصه لانه كلها اعراض احنا مش واخدين بالنا انا مزاجنا هوا اللي ملتهب وتعبان
• تلاق الراجل او الست من دول عنده تسعين سنه ,,وامراض الدنيا فيه ,,ويقولكك انا رايح اعمل عمره ,,ياعم الحج ده انت هنا بنزلك من علي الرصيف بحامل ,,عمره ايه بس ,,,يقولك مالكش دعوه
• واول ما يروح حناك ومزاجه يروق برؤيه الكعبه ,,نلاقيه رهوان ,,,القصه ان نص اللي كان عنده من االالام والوهن كان بس من ان مزاجه عليل
• ابحاث كتيره جدا اثبتت ان الحاله المزاجيه للمريض بتفرق اوي في درجه استجابته للعلاجات المختلفه نقريبا في كل الامراض وان كان في امراض معينه القصه فيها بتبقي فعلا فارقه
• رأييان المزاج الملتهب ده ,محتاج تغيير جزري لنمط حياتك ,,,
• لو ليك هوايه ابتدي انشغل فيها واديها وقتك ,,,,شوف ايه الحاجات اللي بتحب تعملها واعملها واهتم بيها
• لو ليك مكان محبب ليك ,,الغي كل ارتباطاتك وقضي فيه وقت جميل ,,
• عالج التهاب مزاجك ومتهملوش ,,لانه لايقل اهميه بالفعل عن اي مرض ,,ومالوش تحاليل والا اشعات علشان تعرف درجته واهميته
• اتمني لكم يوم سعيد ,,,,ومزاج عنب ,,,,,