- بينى وبينك سلمه
- بس الطريق ليها
- مااعرفوش
- ممكن تكون فوق
- فى السما
- وبيوصولولها كتير
- وشوش
- بس نهايتهم مؤلمه
- لأنهم ما بيعرفوش
- هما يادوب بيبصوا
- ليها من بعيد
- وكل واحد وقتها
- بيكون سعيد
- لكنهم وف النهايه
- ما بيوصلوش
- أما أنا شايفك ملاك
- جاى م السما
- فارد جناحه نحيتى
- ضلل عليا كتير أوى
- نسانى دمعى وغُربتى
- لو نعرفى أنا أد أيه
- محتاج هواكى ف دُنيتى
- كنت أكيد هصعب عليكى
- كنتى شعرتى بوحدتى
- مُعجب أنا وكتير أوى
- دول معجبينك
- وايش أكون أنا واشخاص
- كتير بينى وبينك
- عمرك ما يوم حسيتى
- بيا
- وانا اللى قاتلنى حنينك
- تتصورى إنى بشوفك
- فى المنام
- زى الملايكه بالتمام
- فى خيال جميل
- بيطوف
- ينسينى الألام
- عمرى ما شوفتك كالبشر
- ولا رغبه فيا مش تمام
- إزاى أكون ويا القمر
- وأقدر أفكر فى الحرام
- أنا حُبى ليكى مش كدا
- الحُب مش أصله إلتحام
- الحب روح بتحب روح
- هايمين ف دنيا م الغرام
- لو تعرفى أنا أد أيه
- بعشق ف روحك الإنسجام
- ما هو إنتى أصلآ توأمى
- لو تُكتبى أو ترسمى
- بتعلمى كل الأنام
- واقف أنا من كام سنه
- عاجز عن البوح والكلام
- بس إنهارده راح أعترف
- إن إنتى كدا شئ مُختلف
- مهما قابلنى ف الزحام
- كل إللى عاوزك تعرفيه
- إن إنتى قلبى بتملكيه
- وهو دا خلاصة الكلام
- ما انا قلبى حبك والسلام
- وفى النهايه بقول
- سلام
جريده/شعريه,ثقافيه,أدبيه,فنيه,متنوعه
الجمعة، 8 يناير 2016
رسـالـة حُــب .....بقلم \ أحمد شاهين
الاشتراك في:
تعليقات الرسالة (Atom)
ليست هناك تعليقات:
إرسال تعليق