- قال الإفراق وسالت دمعة العين
- وراحت تجرح بالأخدود النديه
- وأقفت وما تدري الدرب من وين
- وتهمس في خجل ماني قويه
- وجاني هم وقلت يا بنت تكفين
- ودمعك يحيي بالقلب كيه
- قالت تتركني وتنسى العهد والدين
- وكيف الخوي ينسى خويه
- قلت أنا لك وعمرك لا تظنين
- ما أعشق غيرك بالدنيا آدميه
- قصت شعرها وشعرها غالي وزين
- قالت أبغى أقدملك مني هديه
- تذكرني بالغربه وتنسى الهم والبين
- وتشوفها كل يوم روحه وجيه
- قلت ما أنسى اللي سكن بين رمشين
- ما أنساه ما دامت الروح حيه
- ما أنساه لو مرت أيام وسنين
- ولو كانت دنياي صعبه وشقيه
- وعساي أحظى بلمحه من العين
- وأرد لحوض الزين ورد الظميه
- هذا وأنا اللي تاهت بي العناوين
- وما أدري يا شوقي منهو الضحيه
- وذبحني البعد كما ذبح سكين
- وطواني الحزن مليون طيه
- وأنت مثلي في قلبك براكين
- وشفت من البعد أسباب المنيه
- وأصيح وأنتي في صمتك تصيحين
- جرح قلوب العشاق جرم وخطيه
- وبكره يحطونا ما بين نصبين
- وتهل عيون أصحابنا هل ميه
شعر فصحى,شعر عاميه, نثر,خاطره,قصه,أمومه وطفوله,اعلام وفن,مقال,اسلاميات,صوتيات وفيديوهات
الثلاثاء، 5 يناير 2016
سالت دمعة العين الشاعر // سعود السميران
الاشتراك في:
تعليقات الرسالة (Atom)
ليست هناك تعليقات:
إرسال تعليق