- كنت فاكر ليا عيله
- تحمي دهري كل ليله
- ف الشدائد هتلاقيها
- أي محنه لو كبيره
- كنت فاكر إيدنا واحده
- إيد عافيه مش عليله
- كنت فاكر إن إيدكم
- تمحي دمعه لو حزينه
- كنت فاكر إن فيكم
- لسه جوه القلب غيره
- كنت فاكر إن بيكم
- أهزم الدنيا الحقيره
- كان بودي ألقي منكم
- لحظه حلوه لو أخيره
- بس يا خساره لقتكم
- حاجه تانيه مستحيله
- لسه فاكر لما جدي
- كان مربع ع الحصيره
- كنا نقعد جنب منه
- زي قائد للقبيله
- لسه فاكر كل كلمه
- جوه ودني زي سيره
- كان يجمع أي شارد
- أي فكره وأي حيله
- ياما جدي خاف علينا
- كان عايزنا نبقي عيله
- كان يحذر من القطيعه
- زي خيبة ناس كتيره
- كان بيحلم إن نبقي
- أحلي أسره ف المدينه
- الاعادي تجري منا
- والحبيب يفرح بجيره
- كان يوصي كل واحد
- والوصايا كل ليله
- آه جدي لو تشوفنا
- كل واحد راح ف عيله
- واختلفنا ف أي حآجه
- لما راحت هيلا بيلا
- كنت فاكر ليا عيله
- تحمي دهري كل ليله
- بس يا خساره لقتكم
- حاجه تانيه مستحيله
جريده/شعريه,ثقافيه,أدبيه,فنيه,متنوعه
الخميس، 14 يناير 2016
وصية جدي ********* بقلم / طه إبراهيم
الاشتراك في:
تعليقات الرسالة (Atom)
ليست هناك تعليقات:
إرسال تعليق